قبل لا أشرح لكم كيف تختارون العدسة المناسبة لعيونكم، لازم تعرفون بعض المعلومات الأساسية:
قطر العدسة معناه حجم العدسة (Lens Diameter) وهذي احجام عدسات متجرنا:
- 14.50mm = يكبر العين
- 14.20mm = تكبيره للعين خفيف
- 14.00mm = لا يكبر العين
قبل ما أفتح متجر العدسات، اهتميت بأدق التفاصيل و أهم ما يميز متجري أني أعرض العدسات بشكلها الحقيقي على العيون من تصويرنا الخاص.
وبما أن أغلب زبائني لون عيونهم بني، أحرص دائمًا على أن يكون لون عيون الموديل مطابق لعيون زبوناتي حتى تظهر العدسات بأقرب صورة للواقع.
بس اكثر شي لاحظته بمجال العدسات واكثر سؤال يوصلني "كيف اعرف العدسة الي تناسبني" والكثير من البنات يحسبون اختيار العدسات يعتمد على اللون، ولكن في الحقيقة يعتمد أيضًا على مساحة العين. وبشرح لكم هالنقطة بطريقة مبسطة وواضحة بعيدًا عن التعقيد.
اذا كان بؤبؤ العين صغير والمسافة الي تحت العين كبيرة هالشي يعني عادي يليق لكم العدسات الي تكبر العين. الي يكون قطرها 14.50mm. (للتوضيح معنى كلمة : قطر عدسة = مقاس عدسة).
اذا كانت المسافة الي تحت العين صغيرة يعني العدسات الي قطرهم 14.20mm يليقون لكم.
ملاحظة: احيانا هالنوع من العين يليق عليهم بعد العدسات الي قطرهم 14.50mm
واذا مافي اي مسافة تحت العين يعني العدسات الي قطرهم 14.00mm يليقون عليكم.
نظرية الالوان:
في مرة لاحظتو لون العدسة الي اشتريتوها بالواقع شكلها مو نفس الصور؟؟؟ قبل لا تشترون اي عدسة من اي متجر اسالو المتجر شو لون عيون المودل الي مصوره العدسات لان اذا لون عيون المودل عسلي العدسة مارح يطلع شكلها على العيون البنية نفس الشي يعني:
اذا لون عيونج عسلي = العدسات شكلها بيكون افتح
اذا لون عيونج اسود = العدسة شكلها بيكون اغمق
اذا لون عيون بني = شكلها بيكون نفس لون العدسات الي انا اعرضهم